WAUMINI WA KIISLAMU VISIWANIZANZIBAR WAAMUA KUMUACHIA M/MUNGU ATOE HUKUMU KWA WALEWOTE AMBAO HAWAITAKII MEMAZANZIBAR

Maelfu ya waislamu nchini zanzibar wameamua kujikusanya katika msikiti Afraa ulioko kidongo chekundu kwa ajili ya kumshtakia M/mungu juu ya suala zima la kukashiwa na kufanyiwa vitendo vya uonevu na wale ambao hawaitaki mema nchi ya zanzibar. Mkusanyiko huo ulikua na lengo la kuomba Dua maalum ambayo imeeandaliwa na jumuiya ya muamsho zanzibar kwa lengo la kuwaunganisha waislamu ili wawe kitu kimoja katika kudai na kutetea maslahi ya nchi yao,vile kumuomba mungu awanusuru viongozi wa harakati za kuitakia mema zanzibar na shari za maadui zao, katika dua hiyo kuliambatana na uchinjaji wa wanyama tofati kwa ajili ya sadaka ambayo walipewa mayatima na wanawake. Akibainisha idadi ya vichinjwa hivo amir wa jumuiya hiyo SH FARID HADI amesema jumla ya ngombe saba, mbuzi 33, kondoo 3, kuku 22, bata 1 na njiwa 1 wamekabidhiwa na wamewachinja wote. Kwa upande wao viongozi wa jumuiya ya muamsho wameweza kujichinjia wanyama kwa mikono yao kwa kushirikiana na waumini wengine ambao walibahatika kuwepo katika viwanja vya uchinjaji. Amesema dua hii imeamuliwa kuwekwa mwezi 17 Ramadhan kwasababu tarehe hii ina historia kubwa katika ushindi wa waislamu. kwani siku kama hii ndio siku ambayo Allah aliwanusuru waislamu katika vita vya badri. Aliongeza kwa kusema waisalmu wanatakiwa wawe na umoja wa ukweli ukweli ili kuweza kuwashinda maadui zao na kupata ushindi kwa yale wanayoyahitaji. Nae kwa upande wake sh MSELEM bin ALLY AMEWAOMBA waislamu waendelee na msimamo wao ule ule wa kutokushiriki suala zima la sensa ambayo inategemewa kufanyika hvi karibuni. Source mzalendo.net